Plantun de Prouvènço

Pèr coumpara dos planto d'encò nostre

Carex pseudocyperus & Zygodon rupestris

Queirello(-faus-triangle)

Carex pseudocyperus

Cyperaceae

Àutri noum : Moutouso, Sagneto.

Nom en français : Laiche faux souchet.

Descripcioun :
Aquesto grando queirello trachis en mato de la grosso, en ribo d'estang o de ribiero, prado à rousèu e palunaio. Fai uno espigo masclo e de 3 à 5 espigo femello, pourtado pèr un pecou e que penjon. Se recounèis à sis escaume d'utriculo barbudo e subretout i bè d'aquésti d'aqui long e bifido (fotò). S'arrapon i vèsti un cop maduro. Se recounèis peréu à si lòngui fueio (6 à 12 mm de larjo) qu'an coume un rego au mitan.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 100 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 5 à 8 cm
Flourido : Printèms - Estiéu

Sòu : Ca
Autour basso e auto : 0 à 700 m
Aparado : Noun
Mai à juliet

Liò : Ribiero - Prado à rousèu - Estang - Palun
Estànci : Mesoumediterran à Mountagnard
Couroulougi : Subrecousmoupoulito
Ref. sc. : Carex pseudocyperus L., 1753

Flouquet-dis-aubre

Zygodon rupestris

Orthotrichaceae

Nom en français : Houppe des rochers.

Descripcioun :
Aquelo mousso coumuno acroucarpo d'aperaqui 1 cm d'aut, se vèi bèn sus li pège d'aubre (pin, éuse, roure...). Li tijo soun dreissado en "C" e s'envertouion un cop seco. I'a un mouloun de rizouïde brun e papilous à la baso. Li fueio de 1,5 mm de long soun en formo de lanço emé uno costo que s'acabo en pouncho. Fai raramen d'espouroufite, pamens i'a proun de proupagulo (fotò) sus li bord di fueio.

Usanço :
Lou flouquet-dis-aubre èi lou mai coumun di Zygodon au nostre. Zygodon viridissimus s'atrovo dins li fourèst mai fredo dóu Neckeretea complanatae ; si fueio soun mai torso e si proupagulo diferènto.